TAMBÉM DENTRO DA CIDADE

Esta placa passou de estar numha língua irreconhecível a estar em galego. Será que também seremos multados por corrigir a palavra 'ciudade'?

Os acentos também interessam

NEM ENCOROS NEM BARRAGENS, E MUITO MENOS EMBALSES

O encoro de Belesar na freguesia que lhe dá nome, no concelho de Chantada

BARQUEIRA VELHA (Ortegal)

Do concelho de Cerdido, na comarca do Ortegal, mandam-nos esta fotografia da placa que nos leva ao hoje pequeno lugar da Barqueira Velha. Os nossos activistas cada vez chegam mais longe!

A normalizaçom toponímica no EL CORREO GALLEGO

Placa corrigida na Ramolhosa, na freguesia de Luzi (concelho de Teio)

A normalizaçom dos topónimos deve estar a ser intensa na comarca de Compostela, porque é a segunda vez em menos de um mês que o diário santiaguês El Correo Gallego se lamenta. Desta vez (na secçom Así No de hoje), o texto que acompanha a foto que vedes em cima queixa-se do jota de Igreja e, por ter ficado tam curiosinha a correcçom, nem sequer se dam conta que o 'g' de Evangélica tampouco pertencia à placa original. Bom trabalho!

MONTINHO (Compostela)

O lugar de Montinho encontra-se na freguesia de Íria Flávia, no concelho compostelano de Padrom.

PÓVOA DO CARAMINHAL (Barbança)

As iniciativas normalizadoras vam para além das nossas estradas, como neste caso em que alguém devolveu a forma galega ao emblemático topónimo do Barbança.

CORUNHA (em Compostela)

Mais 'Corunhas' corrigidos na comarca de Compostela, com e sem artigo. Como na primeira fotografia, é sempre preferível retirar o artigo nas placas das estradas e sempre que o topónimo nom aparece dentro de umha frase. No entanto, se estiver dentro de umha oraçom qualquer, o artigo reaparece: Vou para a Corunha.

À CORUNHA (também por autoestrada)

CLUBE NÁUTICO de Tabuada (CHANTADA)

PAINÇAL (Vigo)

Outro exemplo de como depois de ene vai ç em galego (e nom z). Neste caso, o lugar do Painçal, na freguesia de Cans, no Porrinho, concelho também galeguizado nesta imagem.

CORUNHA e BETANÇOS

Um activista normalizador restitui o cê-cedilhado a Betanços

Lembra que, depois de ene, em galego sempre vai ç e nom z, excepto em mui poucos casos como a palavra cinza. Esta regra poderá ser-che útil para corrigires muitos topónimos.

GALIZA já tem praça (em ARÇUA)

Os nossos parabéns para o BNG de Arçua, que decidiu pôr o nome de Galiza à principal praça da vila (na imagem). O PP já anda a mover alguns vizinhos e vizinhas para lhe conservarem o nome de España, mas parece ser que desta vez nom o vam conseguir. O verdadeiro nome do País avança.

GANHOU O NH EM TRÁS-ANCOS

Dous militantes da organizaçom política NÓS-UP fôrom absolvidos por galeguizarem o topónimo que vês na imagem, e ainda outros da zona ferrolana da Malata. Os polícias denunciantes nem sequer aparecêrom no julgamento, no qual os activistas normalizadores figérom umha firme defesa da necessidade da correcçom dos topónimos espanholizados. Só podemos dar os nossos mais sinceros parabéns a estes dous jovens. No portal da AGAL podes ler a crónica completa do acontecido.

GRANHA (Vigo)

E alguém dirá que a culpa é do reintegracionismo!

O reintegracionismo restitui os nomes tradicionais às nossas vilas e aldeias, como neste caso da Granha, na freguesia de Cans, no concelho do Porrinho. Mas nada tem a ver com o desleixo com que as instituiçons tratam a paisagem rodoviária, abandonando muitas placas da estrada comestas polas silvas. Mas sempre haverá alguém que diga que 'a culpa é do nacionalismo'. E nom terám mais que fazer?

PINHEIRO (Compostela)

Mais um Pinheiro rectificado, que nos enviam da freguesia do Eixo (concelho de Compostela)

IGREJA DE FECHA (Compostela)

VILARINHO (Compostela)

Cornes e Vilarinho - Concelho de Val do Duvra

Velhas correcçons de um dos topónimos mais numerosos da Galiza. Apesar da sua freqüência como nome de lugar (mais de 130 em todo o País), ainda haverá quem defenda a legitimidade do apelido 'Villarino', resistindo-se a corrigir esta bárbara castelhanizaçom.

CAPELA DO SANTIAGUINHO (Compostela)

Capela do Santiaguinho - Concelho de Vedra

ULHA (Ulhoa)

O LH é mui freqüente na nossa toponímia

Se trabalhas com pintura, o LH é um dígrafo mui fácil de corrigir. Antes de apagares nada, pinta o H sobre o L. Depois, só tés que pintar de branco a base do antigo L, felizmente desaparecido. Na imagem podes ver um exemplo: costuma ficar bem.

QUINS (Ribeiro)

Um outro dos muitos nomes de localidades que os toponimizadores oficiais se resistem a regaleguizar. E neste caso... quem está a quebrantar a lei?

PONTE DE SARANDOM (Compostela)

Ponte de Sarandom - Concelho de Vedra

Um exemplo do característico -M final das placas corrigidas. Afinal, até fica melhor, nom é? Lembra que a terminaçom -OM nom leva acento em galego.

AMES (Compostela)

PARDAZES DE BAIXO... e DE RIBA (Compostela)

Como já explicamos noutra ocasiom, as formas 'de Arriba' e 'de Abaixo' som espanholismos nos numerosos topónimos galegos que contenhem estes sintagmas.

Em Pardazes, lugar da freguesia da Peregrina, no concelho de Compostela, temos outro exemplo de vitória toponímica nas nossas estradas.

PINHEIRO (Deça)

Freguesia de Pinheiro - Concelho de Silheda

Em todo o mundo há centos de milhares de topónimos e apelidos Pinheiro. Mais de 200 milhons de pessoas escrevem-no com nh. E nós? Queremos escrevê-lo diferente? Ou simplesmente queremos escrevê-lo à espanhola?

BELÉM (Compostela)

Na bonita aldeia de Belém, que conta com um conjunto de contruçons tradicionais digno de visitar, as placas colocadas pola Deputaçom também tivérom em conta antigas correcçons de activistas normalizadores.

Lugar de Belém - Freguesia de Santa Cristina de Fecha - Concelho de Compostela

TRAÇO (Ordes)

Cada vez é mais difícil chegar a Traço sem ver o topónimo correctamente escrito.

CARVALHO (Bergantinhos)

Carvalho é umha das palavras que mais nos identifica como povo de cultura galego-portuguesa no mundo, presente como está em milhares de apelidos e topónimos. Porque nos obrigam a escrevê-la diferente ao resto dos países de língua galega?

ROÁM (Compostela)

Roám já é oficial. Sucessos como este bem merecem umha noite em vela. À Deputaçom, só lhe faltou o acento para acertar em cheio. Mesmo assim, a nova placa (em cima) é motivo de celebraçom.

CARVALHAL (Compostela)

Agora, com os marcadores de ponta larga, é mais fácil, e podes comprá-los em muitas papelarias. Na placa da estrada, só tés que apagar as letras colonizadoras com pintura branca ou spray, esperando uns minutinhos (mais ou menos dependendo da segurança da acçom) para reescrever o topónimo correctamente, como podes ver na imagem.

CAROLHO (Ordes)

Concelho de Oroso - Comarca de Ordes

PÓVOA (Compostela)

Póvoa - Concelho de Teio - Comarca de Compostela

INOVAÇONS TÉCNICAS: o pincel passou à história

Podedes comprar estas canetas em lojas especializadas de grafiti. O processo continua a ser o mesmo: tapar com pintura ou spray branco primeiro e escrever depois. A diferença está em que a caneta é mais limpa e rápida, e costuma ficar melhor:

TRAÇO e CARVALHO (Ordes)

Traço e um dos muitos Carvalhos que já fôrom corrigidos ao longo do País.

MERA DE BAIXO... E DE RIBA (Ortegal)

Às vezes a acçom normalizadora acaba por surtir efeito, como nestes dous casos da concelho ortegano de Ortigueira. O topónimo ainda aparece corrigido nas placas antigas, mas nas mais recentes o nome correcto tornou-se oficial, como se vê na primeira imagem e nestas duas a seguir:

Mera de Riba e Mera de Baixo substituem as formas que tinha imposto o franquismo, pseudogaleguizadas com a chegada da Lei de Toponímia: Santa Maria de Mera e Ponte Mera. Lembra que em galego as formas ‘de Arriba’ e ‘de Abaixo’ som barbarismos. A forma correcta dos topónimos que contenhem esta seqüência é ‘de Riba’ ou ‘de Baixo’, quase sempre viva nas pessoas do lugar.

LARANHO (Compostela)

CRUZ ENCARNADA (Ortegal)

Jeito pouco, mas há que reconhecer-lhes enorme zelo normativizador. Neste caso, em Cerdido (Ortegal), a Cruz Vermella dos últimos anos voltou felizmente à Cruz Encarnada que sempre foi. Ninguém na aldeia gostava da ideia de o lugar ser confundido com a afamada instituiçom

GALIZA é o nome do País

Santiago de Compostela

Gerês (Portugal)

PAÇOS (Monte Rei)

Paços - Concelho de Verim- comarca de Monte Rei

GUSTEI (Ourense)

Gustei - Concelho de Coles - Comarca de Ourense